انا فرحان جدا

انا فرحان جدا

محدش يسألني ليه لانني مش هرد

حظر التجوال انتهي افرجوا ياعيال

مسودة من 6-2011 قلت انشرها

الليلة.. انتهاء حظر التجول ووجود مكثف للشرطة بجميع المحافظات

 

مش عارف افرح وﻻ اصوت واقول يال؟؟؟؟؟؟؟؟؟

هو حظر التجوال كان مانع مشاكل وكوارث وﻻ انا كان بيتهيألي 

كلمتين وبس

دي مسودة لقيتها موجودة من 6-2011 

مبارك ويعني عليه نفسيته تعبانة ومش قابل وﻻ طبيب نفسوانيي علشان كده منتظرين لم حالة معاليه تتظبط وبعدين يتقدم للتحقيق يكون الصيف عدا والجو بدأ يبرد ________عند امه يا ادهـــــ مبارك

الجماعة بتوع امن الدولة مش شامم ليهم ريحة هما ماتوا وﻻ الشعب اللي بقي مابيشمش غير ريحة المشاكل اللي بتطلع علينا كل يوم _____يانهار اسود ده الامن القومي بيسبتنا



احنا اسفين ياريس ___والله العظيم سبع مرات احنا اسفين واحنا وﻻد كلب علشان جرحنا احساسك العالي وقلبك الطيب وطلعتك البهية الجوية علينا ونستاهل تسيب علينا كلابك ينهشوا فينا والف سﻻمة ياريس علي نفسيتك

المجلس العسكري اسم النبي حرسهم وصاينهم هو ليه الشعب بدأ يشم ريحة غريبة قديمة ونسمع نغمة عتيقة علي وزن الاستقرار عايزين نستقر وسنة مستقرة يا جميل ومستقر في المجلس العسكري خيرا من عشرة علي الشجرة ____________صباحوا استقرار لمدة 5 سنوات

في يوم حنين للسنة 8 هجريا اذا اعجبتنا قوتنا وغرنا بالله الغرور وبدأنا نغني حاليا علي مصالحنا واتفرقنا وتقطعنا امرنا بيننا زبرا  اخوان وانصار وسلفية واحرار واحزاب وائتلافات واقباط وكل حزب بما لديهم فرحون ________ماتيجي ننزل يوم الجمعة 27 مايو ونثبت اننا كلنا وﻻد الست اللي اسمها مصر وابونا اسمه النيل




يا مجلسنا العسكري بحبكم جدا جدا خاصة وان ولدي عسكري وبقول بالصلاة علي النبي انه من بر الوالدين (((اﻻ تري والديك يقتلهم الاخ مبارك رضي الله عنه بالسرطان والرئة والكلية والحصوات والتسمم والضغط والسكر اللي غلي تمنه وتسكت عن مبارك مقابل كام ملطوش من ابن الملطوشة ______________________وهما كلمتين وبس

اخوكم م.محمد الحسيني
او --سنوحي المصري

VCE 603 Mobil برنامج تشغيل ملفات الامتحانات خلال الموبايل

انا شخصيا تعبت حتي وصلت للبرنامج ووجدته رائع وسهل الاستخدام
ويوفر الكثير من الوقت والجهد
واستمعت جدا وانا بحل الامتحانات اللي قرب ميعادها علي الموبيل مستغلا اوقات الركوب
في المواصلات العامة او الانتظار في اي مكان
كل ما عليك هو شحن الموبيل خاصتك ويكون عليه نظام التشغيل اندرويد(بالمناسبة البرنامج متوفر للاصدارات
Windows Mobile < Iphone) 

المشكلة الوحيدة اللي وقفت معايه هو ان معظم ملفات الامتحانات من ع موقع
www.examcollection.com
كانت لا تعمل علي الموبيل
حتي وجدت الحل في محول علي الانترنت بيحول الملفات للاستخدام المباشر علي الانترنت

لتحميل البرنامج للاندرويد

لتحميل البرنامج للاندرويد


موقع المحول لصيغ الموبيل

وزارة الكهرباء تعتذر للمواطنين عن قطع الكهرباء

وزارة الكهرباء تعتذر للمواطنين عن قطع الكهرباء

م.احمد امام - وزير الكهرباء

ممكن مجموعه رجالة يقفوا وقفة رجالة ويرفضوا تسديد فواتير الكهرباء الموضوع مش هزار
مرفوض كخدمة ستهلك يكون في رد عقابي علي مقدم الخدمة في حالة عدم تادية الخدمة بالشكل المنصوص عليه
اعتقد كنت سمعت صدفة وذات مرة عن جهاز حكومي لحماية المستهلك المصري

الاول من رجب _كل رجب وانتم بخير

اليوم هو الاول من رجب

رجب شهر جميل يدخل عليك فتشعر بالروحانيات وقرب رمضان وهلاله وبركاته
ودفء ايامه اللهم بارك لنا في رجب وشعبان وبلغنا رمضان وانت عنا راض


هل تعلم ان الخلافة العثمانية انتهت في نهاية شهر رجب
27 من رجب 1342هـ = 3 من مارس 1924م   يد مصطفى كمال أتاتورك، الذي أعلن نفسه رئيسًا للجمهورية التركي

وفي رجب للسنة التاسعة هجريا خاض الرسول (ص)  اخر غزوة له ومعه جيش العسرة -  وهي غزوة تبوك ضد الروم

التابلت المصري Einar Egyptian Tablet

التابلت المصري Einar Egyptian Tablet
قرأت الخبر بالصدفة ان في جهاز تابلت مصري الصناعة 
|
اعلن المهندس ياسر القاضي الرئيس التنفيذي لهيئة تنمية صناعة تكنولوجيا المعلومات "إيتيدا" اليوم الخميس 11/4/2013 عن أول "تابلت" جهاز لوحي مصري من إنتاج مصانع شركة بنها للصناعات التكنولوجية ونستعرض مواصفات وامكاينات تابلت اينار المصري والذي يعد اول تابلت صناعة مصري 100% 
|

 
بنظام تشغيل اندرويد وبمواصفات 

حاولت الاتصال علي شركة بنها علي التليفونات التالية للتأكد من الخبر ومعرفة السعر 
فلم اجد اي رد يمكن يكونوا اجازة اليوم

علي اي حال التابلت هيكون  قريب جدا من مواصفات جهاز
Galaxy Tab1

جربت تصلح شئ

فارق شاسع بين الشجاعة والتهور
وفي بيوتنا المصرية تجد نوعان من الازواج والزوجات خصوصا في امور صيانة الاجهزة الكهربائية
والادوات  المنزلية 
فأما تجد خائف لا يقترب من اي شئ معطوب وبايظ
او شجيع السيما ماسك المفك دائما بيمينه- سريع الفك والربط وقل علي اي شئ السلام

ولاننا في الصيف الحار
ولان التكييف فجأة وقف وارسه والف سيف انه مش هيشتغل
ولانني مهندس شبكات و افقه شئ في التكييف فقد اثرت السلامة وقلت اتصل علي مختص يشوف التكييف
وبعدين فجأة لعبت في دماغي وقلت اجرب يمكن يتصلح لكن بصراحة الخوف من زيادة العطب بدل الاصلاح خلاني ارجع تاني وانتظرت يومين مهندس التكييف
والجو حار
وبعدين

قلت لنفسي اخده خطوة خطوة وبشكل منطقي والعب في اللي اعرفه
وبدأت بمفتاح الكهرباء  وبمفك اختبار وبدأت اشوف ايه اللي واصل وايه اللي فاصل
لاحظت وجود اعواد معدن احتياطي موضوع بمربع زجاجي وقابلة للاستبدال بالموجودة داخل الكوبس
وبسرعه نظرت لنفس القطعه داخل المفتاح وجدتها مكسورة
فصلت كهربة الشقة العمومي وبدلتها وشغلت ال كهرباء مرة تانية
وجربت التكيف



لكن للاسف مشتغلش
قلت يبقي فعلا محتاجين فني تكييف
وفجأة بحرك زر التشغيل داخل الجهاز التكييف لقيته اشتغل لانه كان مغلق والحمد لله
وطبعا في نفس اليوم سالتني زوجتي عن مروحة شفاط المطبخ بينفع اخلعها علشان التنظيف فقلت نجرب
رحت اجرب لقيتها خلعتها ونظفتها وبتركب فيها
خلينا نحاول
بس بحدود

هبوط اضطراري في ارض بن الحسيني

بعد طول غياب
اعود لارض بن الحسيني حيث لا حدود
اعود اليوم فانثر في ارضي خبر زرعتي القادمة في الطريق
 الملك سليم الحسيني
القادم الي عالمنا بعد حوالي 4 شهور


انا في اجازة طويلة بسب عملية جراحية في يدي اليمني
ترعاني زوجتي رعاية فندقية حفظها الله لي من كل شر
ملزم بالانتهاء من CCNP  خلال شهر الاجزة المرضي


شديدة السواد هي صورة الواقع المصري مع
جماعات اليمين المتطرف الملتحفة بالمقدس والمتعالية بمعرفتها المطلقة الغير قابلة للنقاش او التنازل
وجماعات المعارضة بطعم الكريما واضافات الفانيليا
وعمال بلا حقوق
وطرق مقطوعه بوقفات احتجاجية
وشرطة في اجازة رسمية لمدة اربعة اعوام
وجيش قوي ومتردد بين الصواب والولاء
وقيادة دينية اسلامية غير متفقة الاهداف مع اليمين المتطرف
وقيادة دينية مسيحيية تبحث عن بقايا امل في افرادها المهاجرين هاربا من واقع اقامة الحدود
وقيادة سياسية نجحت في الفشل وتقسيم الجميع ومصممة علي استكمال العرض حتي اخر نفس في تاريخ الدولة المصرية
وسط كل هذه تقبع مصر المغتصبة (بشرع الله ) المنتظرة الامل في غد ادعو الله ان يأتي فيجد اي بواقي مصرية