مطالب مصرية - في المرحلة الصعبة

 محاولات يائسة من معظم الحركات السياسية الحالية علي الساحة كلا منها يحاول الظهور كمحرك اساسي للمجتمع باطيافه 

الجميع يخاف علي تفتت راي الناس الي شعب وفرق متناحرة 

ونسوا جميعا ان من خرج الي الشارع يطالب بحقه عاد سريعا بمجرد سقوط راس النظام 

المصري بطبعه ينفث عما بداخله ثم يهدأ سريعا 

وان لم يجد المصريين هدف ضخم وعظيم يصب في المصلحة الفردية والعامة معا 

فلن تجد من يشارك بجدية في المظاهرات او الوقفات 

حتي الوقفات الفئوية هي في الحقيقة مجرد تنفيث عن حالة من الهياج العام لمطالبة بالمصلحة الفردية وبمجرد هدوء الاوضاع وبدء عجلة التنمية ووجود مشروع قومي وشخصية ذات كريزمة عالية وبدون مخلفات من العصر البائد (لا اعتقد بوجود هذه الشخصية ع الساحة حاليا ) هذه الشخصية ستقود الجمهور المصري الذي يبهر بعادته باصحاب الكريزمات 

 وبالنسبة للطلبات :

اولا دي المطالب اللي قيل ان عليها اجماع علي صفحة خالد سعيد وهما كالتالي :
:

1- علاج مصابي الثورة على نفقة الدولة والتكفل بأهالي الشهداء
2- عمل قانون لمحاكمة بواقي النظام على الفساد السياسي لان مجرد المحاكمة على الكسب غير المشروع مش هينفع لان بعد التنحي بشهر ونصف اتقبض عليهم وكانوا خلاص ظبطوا نفسهم
3- عودة الشرطة فورا للعمل الجاد دون الاخلال بكرامة المواطن الشريف واشراف قضائي على جهاز الامن الوطني ومحاكمة المتورطين في قتل المتظاهرين ومحاكمة رجال الاعمال الفاسدين ومصادرة اموالهم
4- سرعة محاكمة مبارك واسرته وعدم التهاون في هذا الطلب والقضاء على كل رموز الفساد والمطالبة بالشفافية من المجلس العسكري حول كيفية ادارة البلاد والكف عن الغموض والتكتم
5- القبض على البلطجية واعادة الامن للمواطن المصري
6- الشفافية الكاملة ، معايير واضحة لاتخاذ القرارات
وكلها حاجات عايمة ومايعة ينفع يتحط تحتها الف شرطة وخط

ونمسكهم واحدة واحدة
1. :

1- علاج مصابي الثورة على نفقة الدولة والتكفل بأهالي الشهداء
اولا لازم نعرف مين هم مصابين وشهداء الثورة وعددهم واصابتهم طبعا في منهم ناس كتير معروفة وفي ناس اكتر مش معروفة
يبقي اولا نعمل حصر شامل لكل شهداء وماصبي الثورة وده هياخد وقت


2- عمل قانون لمحاكمة بواقي النظام على الفساد السياسي لان مجرد المحاكمة على الكسب غير المشروع مش هينفع لان بعد التنحي بشهر ونصف اتقبض عليهم وكانوا خلاص ظبطوا نفسهم


الافضل كانت الثورة بناسها واحنا فيها م البداية عدمتهم لان كل ثورة تصنع عدالتها الخاصة لكن المطلب ده حاليا محض هراء


3- عودة الشرطة فورا للعمل الجاد دون الاخلال بكرامة المواطن الشريف واشراف قضائي على جهاز الامن الوطني ومحاكمة المتورطين في قتل المتظاهرين ومحاكمة رجال الاعمال الفاسدين ومصادرة اموالهم

هي الشرطة ما هي موجودة وشغالة لكن الناس اللي بتتعامل بشكل غريب معاها وبعدين الشرطة ظبطها في الشوراع مش هيتم غير باحترامنا ليهم واحساسنا بتطبيق القانون علي الجميع مش شوية علينا وشوية عليهم - والدنيا تهدأ ونبدأ نرجع ونحاول نرجع مصر لحالها ولم القانون هيطبق طبيعي الغلطان هيتحاسب مع بدء المشاركة من الجميع في جمعيات المجتمع المدني ليكون رادع واداة ضغط علي الساسة

*******

 سرعة محاكمة مبارك واسرته وعدم التهاون في هذا الطلب والقضاء على كل رموز الفساد والمطالبة بالشفافية من المجلس العسكري حول كيفية ادارة البلاد والكف عن الغموض والتكتم


نفس النقطة اللي فاتت  ولو اني مش عارف هو ليه لحد الان الدنيا ماشية معاه بالراحة --؟؟؟؟؟؟؟؟

-********

5- القبض على البلطجية واعادة الامن للمواطن المصري

بصراحة كلنا بقينا بلطجية بداية من اللي بيمشي مخالف علشان يلحق شغله ويزعق لعسكري المرور لو اكلم معاه مرورا باللي فارش ف وسط الميدان ولا البلدية بتأثر معاه انتهاءا بكل من يستعرض عضلاته علي المارة ومعاكسة البنات
البلطجة مش جديد ولا اختراع ظهر بعد الثورة
محتاجين سيادة القانون اللي هيرجع الشرطة اللي هيرجع الامان اللي هينهي ع البلطجية


***********

6- الشفافية الكاملة ، معايير واضحة لاتخاذ القرارات


اي ما كانت المعايير شفافة او غير شفافة لابد من اداوت ضغط سياسية واجتماعية كمؤسسات المجتمع المدني
الي جانب الاحزاب السياسية والتعليم والتوعية

يا جماعة اري ان اهم مشروع قومي ممكن اي حد يتبناه هو مشروع

اعادة تصنيع العقل المصري



ندربه علي المشاركة الفعالة في كل وقت مش بس وقت ما الحال يضيق وينفجر مرة واحدة
نعلمه عدم البحث عن شماعات يحط عليها خطأه

ونتعلم كلنا قبول النقد البناء
من جرح ولا استهزاء

يبقي المشاركة جزء اساسي من التعليم
نعرفه حقوقه ووجباته
وكل ده هياخد وقت المهم نبدأ


وبالنسبة ليوم الجمعة انا اعتقد ان الناس طبيعي انها هتنزل
لكن مش من اجل كل ما سبق او غيره

الناس هتنزل تتفرج لان التحرير بقي فسحة للمصريين من اقصي محافظات مصر
مجرد فسحة ولمعرفة ما يدور عن قرب