الحمدلله كل حاجة سليمة - بس لوحدها

الحمدلله .............
الواحد فرحان جدا ان الثورة قامت وطهرت مصر من رموز الفساد
ودلوقت انا شايف مصر الحمد لله خرجت سليمة من الثورة
سليمة بس كل حاجة لوحدها -
الاقتصاد لوحده والسياسة لوحدها (وكل فصيل سياسي من 80 مليون فصيل لوحده) والتعليم لوحده والناس لوحدها والمجلس العسكري لوحده والحكومة اللي بتسير الاعمال (اي اعمال ) لوحدها بصراحة كل واحد لوحده
بس مش تقلقوا هي سليمة

يا شعب ياللي دفع تمن الشوارع دم، احفظ اسامي اللي ماتوا في الشوارع صم"

 

هو انا بخرف ولا ايه 

طيب وايه المشكلة م

مش انا من النخبة وكمان من المشاركين في ثورة يناير العظيمة 

ييبقي من حقي زيهم اني اخرف 

وان كان زمان بنعمل لجنة منبثقة عن اللجان المنبثقة لبحق مشكلة اللجنة المنبثقة الاولي 

يبقي من حقيقي اتباعا لمذهب المنبثقيين والثابتين والمستقريين الاحياء منهم والاموات الني استقر وانبثق علي نفسي 

واعلن قيام جبهة الابثقاق اللجنوي الشعبوي الحر 

هو ولا مؤاخذة الدستور اولا (دستورك معاك )

ولا الانتخابات اولا(جدي المتوفي من 30 سنة بيسأل هيطلع ينتخب امتي )

ياجماعة معلش منمتش بقالي 30 ساعة وعادي بقي